भरतपुर/“उद्यमशिल संस्कृति, राष्ट्रको समृद्धि” भन्ने मूल नाराका साथ उद्योग तथा वाणिज्य कार्यालय चितवन र चितवन उद्योग संघको संयुक्त आयोजनामा दशौं राष्ट्रिय उद्योग दिवस–२०८१ सम्पन्न भएको छ । 
उद्योग तथा वाणिज्य कार्यालय, चितवनका प्रमुख विनोद पौडेलको अध्यक्षतामा सम्पन्न कार्यक्रममा जिल्ला समन्वय समिति चितवनका प्रमुख तथा जिल्ला उद्योग प्रबद्र्धन समिति चितवनका अध्यक्ष नारायण प्रसाद अधिकारी प्रमुख अतिथि रहनुभएको थियो । प्रमुख अतिथि अधिकारीले दशौं राष्ट्रिय उद्योग दिवसको सफलताको शुभकामना व्यक्त गर्नुभयो । उहाँले नेपालमा स्थापित उद्योगहरुले देशको आर्थिक अर्थतन्त्रमा ठूलो टेवा पुगेको र उद्योगलाई निर्वाद रुपमा सञ्चालन गर्न सरकारले नीतिगत रुपमा सुधार गर्दै लैजानु पर्ने समेत बताउनुभयो । 
सह–आयोजक संस्था चितवन उद्योग संघका कार्यवहाक अध्यक्ष मदन घिमिरेले स्वागत मन्तव्य राख्नुभएको कार्यक्रममा आयोजक संस्था, उद्योग तथा वाणिज्य कार्यालय, चितवनका उद्योग अधिकृत नारायण प्रसाद खनालले कार्यपत्र प्रस्तुतिकरण गर्नुभएको थियो । 
कार्यक्रमका विशिष्ट अतिथि चितवन जिल्लाका प्रमुख जिल्ला अधिकारी प्रकाश पौडेल, उद्योग वाणिज्य संघ चितवनका प्रथम उपाध्यक्ष राजेन्द्र ओली, राष्ट्रिय वाणिज्य बैंक चितवन शाखाका प्रमुख सविनराज अधिकारीले उद्योग व्यवसायमा कर्जा लगानीको अवस्था, बैंकिङ्ग सहुलियतका व्यवस्था र उद्योग प्रबद्र्धनका लागि चालु आ.व.मा बैंकले गर्न सक्ने कार्यक्रमहरुको सन्बन्धमा, आन्तरिक राजश्व कार्यालय चितवनका प्रमुख पुण्य विक्रम खड्काले उद्योग व्यवसायमा आकर्षिक हुने कर कानून, आर्थिक विद्येयकको व्यवस्था बमोजिम चालु आ.व.मा उद्योग, व्यवसायलाई प्राप्त हुने सहुलियत र सुविधाहरु, विवरण पेश गर्दा उद्योगहरु चनाखो हुनुपर्ने लगायतका विषयमा शुभकामना सहित आ–आफ्नो धारणा राख्नुभएको थियो । 
कार्यक्रममा उद्योग संघका पालिका समितिका अध्यक्ष तथा पदाधिकारीहरु, विभिन्न वस्तुगत संघका अध्यक्ष तथा पदाधिकारीहरु, महिला उद्यमी मन्च, युवा उद्यमी मन्चका पदाधिकारी तथा सदस्यहरु  उद्योग संघका पूर्व पदाधिकारी तथा सदस्यहरू लगायतका उद्योगीहरुको सहभागिता रहेको थियो ।
कार्यक्रम अन्तर्गत उद्योग तथा वाणिज्य कार्यालयमा उद्योग दिवसको दिन सेवा लिन आउने पहिलो उद्योगी ग्ल्यामर डेकोर हव प्रा.लि.लाई सम्मान गरिएको थियो । 
उद्योग तथा वाणिज्य कार्यालय, चितवनकी उद्यम विकास सहजकर्ता रञ्जु भट्टले सञ्चालन गर्नुभएको कार्यक्रमलाई आयोजक संस्था, उद्योग तथा वाणिज्य कार्यालय, चितवनका प्रमुख विनोद पौडेलले धन्यवाद मन्तव्य सहित कार्यक्रमको समापन गर्नुभएको थियो । 
 

भरतपुर/चितवन उद्योग संघमा आवद्ध सदस्य उद्योग र उद्योगका सञ्चालकहरु शेयर सदस्य बन्न पाउने गरी सञ्चालन भएको चितवन औद्योगिक विकास बचत तथा ऋण सहकारी संस्था लिमिटेडको १३ औं बार्षिक साधारण–सभा सम्पन्न भएको छ । चितवन औद्योगिक विकास बचत तथा ऋण सहकारी संस्था लि.का कार्यवहाक अध्यक्ष मदन घिमिरेको अध्यक्षतामा सम्पन्न साधारणसभामा राष्ट्रिय सहकारी विकास बोर्डका सह–अध्यक्ष मित्रराज दवाडी प्रमुख अतिथि रहनुभएको थियो । 
प्रमुख अतिथि दवाडीले सहकारीप्रति मानिसहरुको विश्वास घट्दै गएपनि सहकारीको मापदण्डमा रही सञ्चालनमा रहेका सहकारीहरुले गर्ने उदाहरणीय कार्यहरुले अझैपनि शेयर सदस्यहरुको विश्वास जितिरहेको बताउनुभयो । समाजमा रहेका केही त्यस्ता मापदण्ड विपरित सञ्चालनमा रहेका सहकारीहरुलाई जरैदेखि निर्मूल पार्दै आफ्ना सदस्यहरुको हकहितका लागि काम गर्ने सहकारीहरुले नमूनायोग्य कामहरु गर्दै समाजमा उदाहरणीय  अगाडि बढ्नु आजको आवश्यकता रहेको बताउनुभयो ।
कार्यक्रमका विशिष्ट अतिथि नेपाल वचत तथा ऋण केन्द्रीय सहकारी संघका उपाध्यक्ष शान्ति अधिकारी, अतिथिहरु चितवन जिल्ला वचत तथा ऋण सहकारी संघ लिमिटेडका अध्यक्ष विद्या कोइराला, चितवन जिल्ला सहकारी संघ लिमिटेडका सञ्चालक सदस्य बिष्णु प्रसाद पौडेल लगायतले साधारणसभाको सफलताको शुभकामना व्यक्त गरेका थिए । 
चितवन औद्योगिक विकास बचत तथा ऋण सहकारी संस्था लि.का कार्यवहाक अध्यक्ष मदन घिमिरेले स्वागत मन्तव्य सहित अध्यक्षको बार्षिक प्रतिवेदन सचिव सरिता खनाल पौडेलले आ.व.०८०/०८१ को सचिवको प्रतिवेदन, कोषाध्यक्ष प्रमेश्वर भण्डारीले आ.व.०८०/०८१ को कोषाध्यक्ष एवम् ऋण उपसमितिको प्रतिवेदन तथा आ.व.०८१/०८२ को लागि प्रस्तावित बजेट प्रस्तुत, लेखा सुपरीवेक्षण समितिका संयोजक लक्ष्मण पोखरेलले आ.व.०८०/०८१ को लेखा सुपरिवेक्षण समितिको प्रतिवेदन तथा लेखा परीक्षण प्रतिवेदन प्रस्तुत गर्नुभएको थियो । 
साधारणसभाको अवसरमा धितो जमानतको ऋण कारोबारमा आदर्श ऋणिको रुपमा आइरन रट डिजाइनिङ्ग एण्ड प्रोडक्सन वर्कशप (सदस्यता नं.३३३) का रमा पन्त, सेवक गु्रप प्रा.लि. (सदस्यता नं. ३५२) का विनोद पन्त, समूह जमानतको ऋण कारोबारमा आदर्श ऋणी विनायक कृषि औजार उद्योग (सदस्यता नं.३४४) का शिव खनाल, बानियाँ ब्लक एण्ड कंक्रिट उद्योग (सदस्यता नं. ५१) का नवराज बानियाँ, नेपाल कृषि तथा पशुपंक्षी फर्म (सदस्यता नं. ५३२) का सीता नेपाल, आदर्श वचतकर्तातर्फ चितवन मेटल इन्जिनियरिङ्ग एण्ड फेब्रिकेशन उद्योग समिति (सदस्यता नं.१६२), आशा अस्पताल प्रा.लि. (सदस्यता नं. ४२) का नारायण सिंह कुंवर, निलकमल इन्जिनिरिङ्ग (सदस्यता नं.८१) का ऋषिराम तिमिल्सिना, ज्येष्ठ शेयर सदस्यतर्फ पुरुषतर्फ कुशल पोल्ट्री उद्योग (सदस्यता नं. ५२) का मधुकर घिमिरे, महिलातर्फ नारायणी स्टेशनरी उद्योग (सदस्यता नं.५६७) का कृष्ण कुमारी माडवारनी, उत्कृष्ट वाल वचतकर्ता ईश्वर कुमार श्रेष्ठ (सदस्यता नं.२९६) र प्रतिक्षा श्रेष्ठ (सदस्यता नं.२३०) का सुपुत्र प्रनिशमान श्रेष्ठ र कर्मचारीतर्फ कार्यालय सहयोगी तेजिया थापा मगरलाई सम्मान गरिएको थियो । 
साधारणसभामा प्रस्तुत अध्यक्षको प्रतिवेदन, सचिवको प्रतिवेदन, कोषाध्यक्षको प्रतिवेदन तथा आ.व.०८१/०८२ को लागि प्रस्तावित बजेट, लेखा सुपरिवेक्षण समितिको प्रतिवेदन तथा लेखा परीक्षण प्रतिवेदनहरु माथि छलफल तथा अनुमोदन गरिएको थियो । साथै, साधारणसभाको अवसरमा प्रस्तुत आ.व.०८०/०८१ को लाभांश वितरण, संरक्षित पूँजी फिर्ता कोषको रकम वितरण, आ.व.०८१/०८२ को लागि लेखा परीक्षकको नियुक्ति र पारिश्रमिक निर्धारण, नियमित मासिक वचत फिर्ता सम्बन्धि कार्यविधि पेश लगायतका थप प्रस्तावहरु पेश गरिनुका साथै निर्णय समेत गरिएको थियो । 
चितवन औद्योगिक विकास साकोसका प्रमुख कार्यकारी अधिकृत गणेश प्रसाद सिलवालले सञ्चालन गर्नुभएको साधारणसभा कार्यक्रमलाई चितवन औद्योगिक विकास साकोसका कार्यवहाक अध्यक्ष मदन घिमिरेले धन्यवाद मन्तव्य सहित समापन गर्नुभएको थियो । 
 

(PLC) सम्बन्धि सीप अभिवृद्धि तालिम शुभारम्भ सम्पन्न

भरतपुर/चितवन उद्योग संघ र बागमती प्रदेश उद्योग परिसंघको संयुक्त आयोजना तथा इन्स्योर परियोजनाको आर्थिक सहयोगमा Programmable Logic Controller (PLC) सम्बन्धि सीप अभिवृद्धि तालिम शुभारम्भ सम्पन्न भएको छ ।

बागमती प्रदेश उद्योग परिसंघ, महिला उद्यमी मञ्चकी अध्यक्ष चन्दना कोइरालाले स्वागत मन्तव्य राख्नुभएको शुभारम्भ कार्यक्रममा चितवन उद्योग संघका अध्यक्ष सूर्य प्रसाद न्यौपानेले संघका परियोजना र संघका भावी योजनाहरुको बारेमा जानकारी गराउनु भएको थियो ।

कार्यक्रममा इन्स्योर परियोजनाका फोकल पर्सन चक्रपाणी तिमिल्सिना, तालिमका प्रशिक्षक ई.अनुज कुमार रौनियारले तालिमका उपयोगिताको बारेमा आफ्नो भनाई राख्नुभएको थियो ।

कार्यक्रममा चितवन उद्योग संघका कार्यसमिति सदस्य एवम् महिला उद्यमी मञ्चकी उपाध्यक्ष सरिता पौडेल खनाल, बागमती प्रदेश उद्योग परिसंघका कार्यक्रम अधिकृत रञ्जु दास, संघका सञ्चार अधिकृत राजु भट्ट, पाठशाला अधिकृत कल्पना आचार्य लगायत २० जना प्रशिक्षार्थीहरुको सहभागिता रहेको थियो ।

चितवन उद्योग संघका कार्यकारी निर्देशक गणेश प्रसाद सिलवालले सञ्चालन गर्नुभएको कार्यक्रमलाई सह–आयोजक संस्था चितवन उद्योग संघका अध्यक्ष सूर्य प्रसाद न्यौपानेले धन्यवाद मन्तव्य सहित उद्घाटन सत्र समापन गर्दै तालिमका प्रशिक्षकलाई फ्लोर हस्तान्तरण गर्नुभएको थियो ।

आ.व. २०८१/०८२ को मौद्रिक नीतिका लागि  चितवन उद्योग संघको तर्फबाट नेपाल राष्ट्र बैकलाई  दिइने सुझावका संकलनका लागि  चितवनमा रहेका वाणिज्य बैकका province head तथा cluster head हरुसँगको  बैठक पश्चात्

शिक्षालाई उद्यमशिलतामा जोड्दै लैजानु पर्नेमा जोड

भरतपुर/चितवन उद्योग संघ महिला उद्यमी मञ्चको आयोजना तथा आरम्भ कलेजको सहकार्यमा Building a Startup Culture in Universities बिषयक प्यानल डिस्कसन कार्यक्रम सम्पन्न भएको छ ।

चितवन उद्योग संघ, महिला उद्यमी मञ्चकी उपाध्यक्ष सरिता पौडेलले स्वागतसँगै कार्यक्रमको उद्देश्यमाथि प्रकाश पार्नुभएको कार्यक्रममा कार्यक्रम अधिकृत कल्पना आचार्यले मोडरेटर गर्नुभएको थियो । सेमिनारको प्यानलिष्टहरुमा चितवन उद्योग संघ, महिला उद्यमी मञ्चकी अध्यक्ष सृजना सोती, संघको पूर्व उपाध्यक्ष प्रतिभा श्रेष्ठ, चितवन उद्योग संघ युवा उद्यमी मञ्चका निर्देशक भरत दुवाडी, इन्जिनियर अधिकार चालिसे रहनुभएको थियो ।

सेमिनारको माध्यमबाट शिक्षालाई उद्यमशिलतामा जोड्दै, बिश्वविद्यालयमा नै स्टार्टअप कल्चरमा बहस चलाउनु पर्ने प्यानलिष्टहरुले आफ्नो भनाई राखेका थिए ।

प्यानलिस्ट प्रतिभा श्रेष्ठले नेपालमा उद्यमशिलता फस्टाइरहेछ की घट्दै गईरहेछ ? युवाहरु नेपालमा भबिष्य नदेख्नुको कारण के ?, नेपालमा लगानीका क्षेत्रहरु र अवसरहरु के के हून सक्छन् जस्ता विषयमा प्रस्ट्याउनु भएको थियो ।

त्यस्तै प्यानलिस्ट भरत दवाडीले उद्योगहरुको अहिलेको मुख्य चुनौतीहरु के के हुन् ? नेपालमा अर्गानिक बस्तुहरुको व्यवसाय कस्तो छ ? युवाहरुलाई उद्यमशिलतामा लाग्न सरकारको तर्फबाट गरेका प्रयासहरु लगायतका बिषयमा बहस गर्नु भएको थियो ।

त्यसैगरी प्यानलिस्ट चितवन उद्योग संघको महिला उद्यमी मञ्चको अध्यक्ष सृजना सोतीले नेपालमा महिला उद्यमीहरुले उद्यमशिलतामा पु–याएको योगदानको अवस्था, लगायतका बिषयमा आफ्ना धारणा राख्नु भएको थियो ।

अर्का प्यानलिस्ट अधिकार चालिसेले नेपालमा उद्यमशिलतामा युवा बर्गको रुची र चासो, युवालाई उद्यमशिलतामा लाग्न दिन हाम्रा शिक्षा पद्धती नीतिगत तहमा आवश्यक गर्नुपर्ने, परिबर्तन आदि बिषयमा बहस गर्नु भएको थियो । कार्यक्रममा सहकार्य गरेको आरम्भ कलेजका प्रिन्सिपल सुरज सिवाकोटीले शिक्षालाई सिपमा जोड्ने कार्यमा आफुहरु लागीरहेको बताउनु भयो । कार्यक्रममा बिद्यार्थी बर्गहरुबाट आएका स्टार्टअप सँग सम्बन्धित जिज्ञासाहरुलाई प्यानलिस्टहरुले सम्बोधन गर्नु भएको थियो ।

कार्यक्रममा चितवन उद्योग संघ, महिला उद्यमी मञ्चका कार्यसमिति सदस्यहरु राधा शर्मा, गोमा कुमारी खड्का, बिनिता बराल, अधिबक्ता तथा लेखक सरिता तिवारी, संघका सञ्चार अधिकृत राजु भट्ट, आरम्भ कलेजका बि आई एम प्रोगाम प्रमुख, बि.एच एम प्रमुख साथै बि. आई एम र बि.एच एमका बिद्यार्थिहरु लगायतको उपस्थिति रहेको थियो ।

चितवन उद्योग संघ महिला उद्यमी मञ्चकी निबर्तमान अध्यक्ष पार्वती कूबँरले प्यानलिस्टहरुलाई मायाको चिनो प्रदान गर्नु भएको कार्यक्रमलाई चितवन उद्योग संघ महिला उद्यमी मञ्चकी उपाध्यक्ष कविता श्रेष्ठले धन्यबाद मन्तब्य सहित कार्यक्रमको समापन गर्नु भएको थियो ।

सुझाव पेश गर्ने बारे उद्योगीहरुलाई अत्यन्त जरुरी सूचना !

रक्तदान सम्बन्धि जरुरी सूचना.................!

चितवन उद्योग संघ महिला उद्यमी मञ्चले नेपाल औषधि उत्पादक संघसँगको सहकार्यमा ११४ औं अन्तर्राष्ट्रिय नारी दिवसको अवसर पारेर निम्न मिति, समय र स्थानमा आयोजना गर्न लागेको

रक्तदान कार्यक्रममा सहभागी भई सहयोग पु¥याईदिनुहुन हार्दिक अनुरोध गर्दछौं ।

तपसिल ः

मिति ः २०८० फागुन २६ गते, शनिबार

समय ः बिहान ८ः०० बजे

स्थान ः चितवन उद्योग संघको प्राङ्गण, भरतपुर, चितवन

थप जानकारीको लागि ः

चितवन उद्योग संघ, महिला उद्यमी मञ्च

भरतपुर–१०, प्रदर्शनीमार्ग, चितवन

फोनः– ०५६–५९५०५२, ९८४५१५२३९४, ९८५५०६०४२७, ९८४५०८५२५७

उद्योगीहरुलाई जरुरी सूचना ...!

चितवन उद्योग संघले केन्द्रीय छाता संस्था, नेपाल उद्योग परिसंघका केन्द्रीय पदाधिकारीहरुको उपस्थितिमा निम्न मिति, समय र स्थानमा आ.व.०८१/०८२ को नेपाल सरकारको नीति तथा कार्यक्रम र बजेटका लागि दिइने सुझाव सम्बन्धि छलफल तथा अन्तरक्रिया राखिएकोले उद्योगीज्यूहरुले आ–आफ्ना सुझाव सहित सहभागिताको लागि अनुरोध गरिन्छ ।

तपसिल ः

मिति ः २०८० माघ १४ गते, आइतबार

समय ः बिहान ९ः४५ बजेदेखि

स्थान ः चितवन उद्योग संघ, औद्योगिक पाठशाला कक्ष

छलफलका विषय ः

-राजश्व नीति निर्माण तथा वित्तीय सुधार ।

-कर सम्बन्धि ऐन नियममा गर्नुपर्ने सुधार ।

-आयकर, मु.अ.कर सम्बन्धि सुझाव ।

-भन्सार नीति ।

-प्रशासकीय सुधार ।

थप जानकारीको लागि ः

चितवन उद्योग संघ

भरतपुर–१०, प्रदर्शनीमार्ग, चितवन, फोन ः०५६–५९५०५२, ५९६०५२, ५९६८०९

औद्योगिक भ्रमण सम्बन्धि सूचना
चितवन उद्योग संघ, महिला उद्यमी मञ्चको बार्षिक क्यालेण्डर अनुसार पश्चिम नेपालका औद्योगिक क्षेत्रहरुको अध्ययन अवलोकन भ्रमण आयोजना गरिएको हुँदा इच्छुक महिला उद्यमीहरुले मिति २०८० माघ २२ गते, सोमबार दिउँसो १ः०० बजेसम्म भ्रमण संयोजक वा संघको सचिवालयमा नाम दर्ता गर्नुहुन हार्दिक अनुरोध गरिन्छ । 

भ्रमण मिति ः २०८० माघ २६ गतेदेखि २८ गतेसम्म
भ्रमण हुने स्थान ः नवलपुर–रुपन्देही औद्योगिक क्षेत्र–नेपालगञ्ज औद्योगिक क्षेत्र कर्णाली पुल हुँदै टिकापुरसम्म

सहभागिता दर्ता शुल्क रु ५,०००।– (खाना÷बस्नको लाग्ने खर्च सहभागी स्वयम्ले व्यहोर्नु पर्नेछ भने, सहभागी शुल्कबाट यातायात तथा व्यवस्थापकीय कार्यमा खर्च गरिनेछ ।

चितवन उद्योग संघ महिला उद्यमी मञ्च
भरतपुर–१०, प्रदर्शनीमार्ग, चितवन
सरिता खनाल पौडेल (संयोजक), मो.९८४५१५२३९४, सृजना सोती (अध्यक्ष) मो.९८५५०७५२५७